اسلام آباد۔8اپریل(اے پی پی) وزیراعظم محمد شہباز شریف خلیجی ملکاں ، یورپ ، چین ، امریکا اتے ٻئے خطے توں معدنیات دے شع??ے اچ سرمایہ کاری دا خیرمقدم کیتے تے آکھیے پاکستان کھرباں ڈالر دے معدنی ذخیرے توں فیدہ چاتے قرضے توں جند چھڑا سڳدے ، معدنیات دی ویلیو ایڈیشن کرتے برآمدات کوں ودھارا ݙیسوں ، اے سرمایہ کاری ساریں کیتے فیدہ مند اے ، سرمایہ کار کمپنیاں نینگراں کوں ہنر ݙیوݨ اچ آپݨا کردار نبھاون، رل تے پاکستا ن کوں دنیا دا عظیم ملک بݨیسوں۔ اے ڳالھ انہاں پاکستان منرلزانویسٹمنٹ فورم 2025 توں خطاب اچ آکھی ?? ایں موقع تے وفاقی وزرا، وزرائے اعلیٰ، ارکان اسمبلی، پاک فوج دے سربراہ توں علاوہ چین، عرب ، خلیج، امریکا تے یورپ سودھے کئی ملکاں دے سفیر تے کاروباری شخصیات دی وݙی تعداد موجود ہئی ۔ وزیراعظم فورم اچ غیر ملکی مندوبین دا خیرمقدم کیتے تے آکھیے او انہاں کوں پاکستان آوݨ تے خوش آمدید آکھدن ۔ ا??ہاں فورم دے کامیاب انعقاد تے منتظمین کوں مبارخ ݙتی تے آکھیے ایں فورم توں مقامی تے غیر ملکی سرمایہ کاراں دا اعتماد ودھسی تے اے فورم معدنیات دے شع??ے اچ سرمایہ کاری ودھاوݨ دا باعث بݨسی وزیراعظم ریکو ڈک منصوبے تے پیشرفت کوں حوصلہ افزا قرار ݙیندے آکھیے منرلز دا شعبہ سالاں توں ساݙی توجہ دا مستحق ہئی۔ اللہ تعالیٰ پاکستان کوں قدرتی وسائل اتے معدنیات نال مالا مال کیتے۔ پاکستان اچ کھرباں ڈالر دے معدنی ذخیرے ہن جنہاں توں فیدہ چاتے پاکستان قرضیں دے چنگل توں آزاد تھی سڳدے ۔ وزیراعظم آکھیے بلوچستان دے پہاڑاں توں گھن تے خیبر پختونخوا دے برف نال ڈھکیے پہاڑاں تے آزاد کشمیر و گلگت بلتستان توں گھن تے سندھ دی وادیاں تے پنجاب دے میداناں تئیں پورا پاکستان معدنیات توں مالا مال اے۔ انھاں عظیم اثاثیں توں فیدہ چاوݨ دی لوڑھ اے ۔ پاکستان دےمیدان ذرخیز اتے عوام بہادر تے چیلنج قبول کرݨ آلے ہن تے آپݨی محنت نال ریت کوں سونے ??چ بدالݨ دی طاقت رکھیندے۔ وفاق ، صوبائی حکومتاں اتے پاکستان دے ادارے رل تے کم کریسن تاں وختی اساں آپݨی تقدیر بدل سڳدوں لیکن ایں سانڳے عزم تے ارادے دی لوڑھ اے ۔ وزیراعظم آکھیے بلوچستان اچ کان کنی توں مقامی نینگراں سانڳے روزگار دے موقع بݨدے پئن ۔ ا??ہاں کوں ضروری فنی تربیت ݙیوݨ سانڳے ادارے بݨائے ڳئن۔ بلوچستان اچ کان کنی توں سماجی و معاشی ترقی تھیسی ۔ وزیراعظم خلیجی ملکاں ، چین، یورپ ، امریکا سودھے ٻئے خطے توں سرمایہ کاراں دا خیرمقدم کریندے آکھیے او پاکستان اچ سرمایہ کاری دے موقع توں فیدہ چاون ۔معدنیات دے شع??ے اچ سرمایہ کاری ساریں کیتے سود مند اے،پاکستان اچ دنیا دے ساریں توں وݙے کولیں دے ذخیرے موجود ہن ، سندھ حکومت کولیں دے ذخیرے توں فیدہ چاوݨ سانڳے کم کریندی پئی اے ، درآمدی کولیں دی بجائے مقامی کولیں تے انحصار کر تے قیمتی زرمبادلہ دی بچت کیتی ویندی پئی اے ۔ ا??ہاں ذخیرے کوں سیمنٹ پلانٹس اتے صنعتی ترقی سانڳے استعمال کیتا ویندا پئے۔ پنجاب اچ چنیوٹ دے نیڑے لوہے دے وݙے ذخیرے دریافت تھئن جنہاں کوں سٹیل ??چ بدالیا ونڄ سڳدے ۔ بلوچستان ، خیبر پختونخوا، گلگت بلتستان اتے آزادکشمیر اچ وی معدنیات دے شع??ے اچ ٻہوں کم کرݨ دی لوڑھ اے ۔ وزیراعظم آکھیے خام مال دی بجائے تیار شدہ مصنوعات دی برآمد یقینی بݨائی ویسی اساں مصنوعات دی ویلیو ایڈیشن کرتے برآمدات کوں ودھارا ݙیوݨا اے ۔ ا??ہاں سرمایہ کاراں تے زور ݙتے جو او تیار مصنوعات تے کم کرن ایں توں انہاں کوں فریٹ چارجز دی مد اچ وݙی بڑی بچت تھیسی ، کان کنی دی صنعت سانڳے فنی تربیت کوں لازمی قرار ݙیندے آکھیے نینگراں کوں فنی تربیت سانڳے نجی شع??ے اتے حکومتی سطح تے شراکت داری کوں ودھارا ݙتا ویسی ۔ سرمایہ کار کمپنیاں نینگراں کوں ہنر ݙیوݨ اچ کردار نبھیسن ?? ایں توں ٹیکنالوجی دی منتقلی اچ وی مدد ملسی ۔ وزیراعظم آکھیے پاکستان دے قدرتی وسائل توں مالا مال علاقے ترقی دا مرکز بݨݨ ویندے پئن اساں رل تے پاکستان کوں عظیم ملک بݨیسوں
پاکستان کھرباں ڈالر دے معدنی ذخیرے توں فیدہ چاتے قرضیں توں جند چھڑا سڳدے ، وزیراعظم شہبازشریف
اسلام آباد۔8اپریل(اے پی پی) وزیراعظم محمد شہباز شریف خلیجی ملکاں ، یورپ ، چین ، امریکا اتے ٻئے خطے توں معدنیات دے شعبے اچ...
مضمون کا ماخذ : loteria آن لائن confiável
.jpg)
