اسلام آباد ۔ یکم اپریل (اے پی پی)وزیر اعظم دے معاون خصوصی صحت ڈاکٹر ظفر مرزا آکھیے جو پاکستان اچ کورونا وائرس توں متاثرہ کنفرم کیسز دی تعداد 2039تھی گئی اے ،گزریل 24 گھنٹے اچ 178کیسز دا ودھارا تھئے ۔ موجودہ صورت حال تے قابو پاونڑ کیتے لاک ڈاﺅن اچ مزید ڈو ہفتے دا ودھارا کریندے پیوں ۔اے گال انہاں وفاقی وزیر منصوبہ بندی و ترقی اسد عمر اتے وزیر اعظم دے معاون خصوصی قومی سلامتی امور میعد یوسف دے رلے پریس کانفرنس نال خطاب کریندے ہوئیں آکھی اے ۔ انہاں آکھیے جو ایں ویلھے دنیا اچ 8لکھ توں ودھ کیس رپورٹ تھی چکئن تے ایں وباء پوری دنیا کوں اپنڑی وکیڑ اچ گھن گھدے ۔انہاں آکھیے جو عوام اپنڑی نقل و حرکت محدود کرے تاں پاکستان اچ کورونا وائرس دی صورتحال اچ بہتری آسگدی اے ۔پاکستان اچ کورونا وائرس توں متاثرہ کنفرم کیسزدی تعداد 2039 تھی چکی اے تے گزریل 24 گھنٹے اچ کورونا دے178کیسز دا ودھارا تھئے ،آزاد کشمیر اچ 6 بلوچستان اچ 158، گلگت بلتستان اچ 184، اسلام آباد اچ54، پنجاب اچ 708 اتے سندھ اچ 654 کیسز ہن۔ایں ویلھے ملک دے ہسپتالاں اچ 974 مریض داخل ہن 10 دی حالت تشویشناک اے۔انہاں آکھیے جو پورے طور تے صحتیاب لوکاں دی تعداد ودھ گئی اے 82لوک مکمل صحت یاب تھی گئن ۔انہاں آکھیے جو احتیاطی تدابیر تے مکمل عملدرآمد کرنڑ نال وائرس دے کھنڈنڑ کوں روکنڑ اچ مدد مل ویسی۔انہاں آکھیے جو کرونا دے مشتبہ کیسز دی تعداد 17331اے تے ایں صورت حال تے قابو پاونڑ کیتے ملک اچ جاری بندشاں کوں مزید ڈو ہفتے کیتے ودھائے ۔ظفر مرزا آکھیے جو مختلف ملکاں اچ کورونا پاروں حالی تئیں 42000 لوکاں دی موت تھئی اے ۔
گزریل 24گھنٹے اچ کورونا دے 178کیس سامنڑے آئن، لاک ڈاﺅن مزید ڈو ہفتے کیتے ودھیندے پیوں، پاکستان اچ کورونا وائرس توں متاثرہ کنفرم کیس 2039ہن ۔ وزیراعظم دے معاون خصوصی برائے صحت ڈاکٹر ظفر مرزا
اسلام آباد ۔ یکم اپریل (اے پی پی)وزیر اعظم دے معاون خصوصی صحت ڈاکٹر ظفر مرزا آکھیے جو پاکستان اچ کورونا وائرس توں متاثرہ...
مضمون کا ماخذ : پاور بال کی پیشن گوئی
